"My platform for leadership has always been the same all throughout my career as a public servant, and that is Good Governance. Wala nay lain.
Sa Maayong Panggobyerno, winner tang tanan!"
-Azucena "Sunny" Huervas
Determinado si Mayor Sunny Huervas nga ipadayon niya ang mga musunod nga programa para sa Bukidnon:
1
SAKTO NGA PAGGAMIT SA PONDO
FINANCIAL ADMINISTRATION AND SUSTAINABILITY
Ipadayon ang disiplina sa balanse nga paggamit sa pondo sa publiko inubanan sa "transparency ug accountability". Isigurado nga baylo-an ang pagsalig sa katawhan sa usa ka tinarong nga pag-gasto sa pondo sa gobyerno para mabati ug makita sa tanan ang pag-asenso sa tanang syudad ug munisipyo.
2
KAPASIDAD PANAHON SA KALAMIDAD
DISASTER PREPAREDNESS
Pug-ngan ug andaman ang mga kalamidad, bisan pa man kini natural o hinimo sa tawo, aron mapalig-on ang kakayahan sa pagbangon sa mga katawhang naapiktohan. Ikapasidad pud nato ang tanang kabarangayan para kanunay nga lig-on ug protektado ang mga kumunidad batok sa dili matagna nga mga kalamidad.
3
AMPINGAN ANG TANANG KATILINGBAN
SOCIAL PROTECTION AND SENSITIVITY
Ipabati ang usa ka abtik ug paspas nga paghatag sa mga panginahanglanon sa tanang sektor sa katilingban pinaagi sa paghatud ug makahuluganong tabang ug mga ayuda. Ubanan kini sa pagdasig sa partisipasyon sa katawhan para sa malahutayong kalamboan.
4
KATAWHAN NGA HIMSOG UG BASKOG
HEALTH COMPLIANCE AND RESPONSIVENESS
Ipatuman nato ang mga polisiya ug programa sa kahimsog sa panglawas aron mapalig-on ang tanang kumunidad ug madasig ang katawhan nga magbaton ug himsog nga estilo sa kinabuhi. Ubanan kini sa pagsigurado nga ang tanang indibidwal, labi na ang mga kabus, adunay patas nga oportunidad alang sa ayudang tambal o pinansyal diha sa pag-implementar sa sakto nga sistema sa panglawas.
5
EDUKASYON PARA SA HAYAG NGA KAUGMAON
SUSTAINABLE EDUCATION
Ipatuman ang mga reporma sa edukasyon ug mga programa sa mga tulunghaan. Atong suportahan ug pondohan ang pag implementar ug kalidad nga edukasyon para sa tanang kabatan-onan. Ubanan kini sa mga teknikal nga mga training alang sa mga out-of-school youth apil na ang mga solo parents, mga PWDs, ug uban pang interesadong mga indibidwal nga gusto mupalambo sa ilang kaalam aron maka pwesto ug tarong nga mga trabaho o negosyo.
6
PASPAS NGA PROSESO, ASENSO SA NEGOSYO
BUSINESS-FRIENDLINESS AND COMPETITIVENESS
Atong i-plastar ang mga polisiya ug interbensyon para mapadali ang pagnegosyo, sumala sa Ease of Doing Business and Efficient Government Service Delivery Act of 2018 (RA 11032). Uban niini ang pag lantaw sa mga panginahanglanon sa mga imbestor ug mga lokal nga mga negosyante aron mulambo pa ang ilang mga negosyo ug maka hatag ug dugang trabaho para sa mga taga Bukidnon.
7
WALAY GUBOT SA PALIBOT
SAFETY, PEACE AND ORDER
Ipadayon ang pag-us-us sa krimen ug ang pagprotekta ang mga katawhan gikan sa mga hulga sa kinabuhi ug kadaut sa mga propedad. Uban nato niini ang pwersa sa kapulisan ug sa armadong kusog sa nasud ug ang atong mga lokal nga mga opisyales. Ipadayon pud ang pagpakgang sa ginadili nga mga droga ug ang pagpakaylap sa mga programa nga maka hilayo sa katawhan sa mga dili maayong mga binuhatan o pag labag sa batakang balaod.
8
ALIMAHAN ANG KINA-IYAHAN
ENVIRONMENTAL MANAGEMENT
Pangandaman nato ug panalipdan ang integridad sa atong kinaiyahan labi na sa atong mga kabukiran, kapatagan, katubigan, kahanginan ug mga kalasangan. Kini nga mga grasya gikan sa Kahitas-an kinahanglang maatiman pinaagi sa pagtinabangay sa tanang mga publiko ug pribadong sektor, mga lideres ug mga pangulo. Sa pag asenso sa katilingban, dili malimtan ang kina-iyahan.
9
ASENSO SA TURISMO-PAG AMOMA SA KULTURA
TOURISM, HERITAGE DEVELOPMENT, CULTURE AND ARTS
Atimanon nato ang tanang mga tribo nga nagdala sa atong hiyas nga mga kultura diha sa pag-respeto sa mga karaang tradisyon bisan pa man nga atong ipakita sa tibook kalibutan ang kanindot sa atong mga mga destinasyon ug mga dapit nga pangturista. Kinahanglang adunay balanse sa promosyon sa atong mga bahanding natural ug sa pag-ila sa atong kultura ug kasaysayan.
10
MALAMBOON NGA MGA BATAN-ON
YOUTH DEVELOPMENT
Hatagan nato ug makahuluganon nga partisipasyon ang mga batan-on sa lokal nga pagdumala ug pagtukod sa nasud. Uban niini ang paggama ug mga programang malahutayon para ang mga kabatan-onan makabaton ug tinud-anay nga kalambigitan sa pag implementar sa mga planong lokal ug mga inisyatibong nasyonal.
Mga igsoon, sobra sa dekada ko na ning ginabuhat ug gi-implementar sa Valencia City uban ang tanang mga kawani ug mga departamento sa LGU. Busa dili imposible nga mabuhat nato kini sa tibook Probinsya sa Bukidnon aron kitang tanan maka tagamtam ug tinud-anay nga kalamboan." -Azucena "Sunny" Huervas
See how you can help us achieve our collective goals
